Абай облысында есірткі жарнамасы бар 200-ден астам граффити жойылды

Абай облысында қыркүйек айынан бастап нашақорлық пен есірткі жарнамасына қарсы күрес аясында 200-ден астам заңсыз граффити жазуы бояумен өшірілді. Бұл іске полицейлермен қатар депутаттар, ата-аналар комитеттері, студенттер мен еріктілер белсенді түрде қатысты. Тәртіп сақшылары тұрғындарды күмәнді жазуларды байқаған жағдайда "102" нөміріне дереу хабарласып, жастарды қорғауға үлес қосуға шақырады.