Түркістан облысында полиция еріктілермен бірге 38 заңсыз граффити жазуын өшірді

Сарыағаш аудандық полиция басқармасының қызметкерлері Жастар орталығының еріктілерімен бірлесіп жүргізген профилактикалық жұмыстар барысында тұрғын үйлер мен нысандардың қабырғаларынан заңсыз салынған 38 граффити жазуын анықтап, өшірді. Олардың арасында Telegram мессенджеріндегі топтарға сілтеме жасап, жеңіл жолмен ақша табуға шақыратын есірткі жарнамалары да болды. Тәртіп сақшылары тұрғындарға вандализм мен қоғамдық орындарды бүлдірудің құқықтық салдарын түсіндірді.