Талдықорғанға елордадан психотроптық заттарды жеткізген курьер ұсталды

Жетісу және Астана қаласы полиция департаменттерінің қызметкерлері бірлескен арнайы операция барысында Астанадан Талдықорғанға ірі көлемде синтетикалық есірткі жеткізу арнасын кесті. Елордада тоқтатылған Geely автокөлігін тінту кезінде 2 келіден астам мефедрон мен 506 грамм α-PVP табылды. Күдіктінің көрсетуімен тағы 992 грамм α-PVP тәркіленіп, жалпы салмағы 3 келі 646 грамм психотроптық зат заңсыз айналымнан алынды. Қазіргі уақытта күдікті қамауға алынып, тергеу амалдары жүргізіліп жатыр.