Абай облысында күдіктілерді электронды бақылау жүйесі талқыланды

Абай облысының полиция департаментінде қылмыстық процесте заманауи цифрлық технологияларды тиімді пайдалану мәселелеріне арналған дөңгелек үстел өтті. Кездесуде күдіктілерге қатысты электрондық бақылау құралдарын (білезіктер мен бақылау датчиктерін) қолдану және оларды полиция қызметіне енгізу тетіктері сөз болды. Құқық қорғау органдары өкілдері мен IT-компания мамандары бақылау тиімділігін арттыру, өзара іс-қимылды жетілдіру және тергеу барысында цифрлық құралдардың аясын кеңейту жолдарын талқылады.