Батыс Қазақстан облысында тазалық талаптарын бұзған 7 мыңнан астам адам жауап берді

Батыс Қазақстан облысында жыл басынан бері абаттандыру мен тазалық ережелерін сақтамаған 7 047 құқық бұзушылық әшкереленді. Оның ішінде абаттандыру талаптарын бұзудың 5 641, қоқысты белгіленбеген жерге тастаудың 1 036 және қоғамдық орындарды ластаудың 370 фактісі тіркелген. Орал қаласындағы 50 контейнерлік алаң "Target EYE" жүйесіне қосылған бейнекамералармен жабдықталып, олардың көмегімен 41 құқық бұзушылық анықталды. Сонымен қатар рейдтер барысында анықталған 30 заңсыз қоқыс орны толығымен тазартылды.