Ішкі істер министрі Ержан Саденов үздік жас офицерлермен кездесті

Қазақстан Республикасы Ішкі істер министрі Ержан Саденов оқуда жоғары нәтиже көрсетіп, қаразгі таңда ішкі істер органдарында қызмет атқарып жатқан жас офицерлермен жүздесті. Мемлекет басшысы Қасым-Жомарт Тоқаевтың бастамасымен биыл алғаш рет үздік түлектерге алғашқы офицерлік "аға лейтенант" шені беріліп, погондарды Президенттің өзі табыстаған болатын. Кездесу барысында министр жас офицерлердің қызметтегі алғашқы айлары, кәсіби жоспарлары мен даму бағыттарын талқылап, оларға "Заң мен Тәртіп" қағидатын берік ұстануды және жүктелген үлкен жауапкершілікті абыроймен ақтауды тапсырды.