Жамбыл облысында 88 шетел азаматы ел аумағынан 5 жылға шығарылды

Жамбыл облысында өтіп жатқан "Заңсыз келуші - 2026" жедел-профилактикалық іс-шарасының екі күнінде полиция қызметкерлері 254 әкімшілік құқық бұзушылықтың жолын кесті. Көші-қон заңнамасын бұзған 88 шетел азаматы Қазақстан Республикасынан 5 жыл мерзімге шығарылды, сондай-ақ халықаралық іздеуде жүрген 5 адам анықталды. Сонымен бірге шетелдіктердің елде болу тәртібін бұзуына жол берген 57 Қазақстан азаматы да әкімшілік жауапкершілікке тартылды.