Астанада отбасылық зорлық-зомбылықтың алдын алу бойынша кешенді жұмыстар жүргізілуде

Астана қаласында полиция қызметкерлері отбасылық-тұрмыстық қатынастар саласындағы құқық бұзушылықтардың алдын алу және зардап шеккендерге көмек көрсету бағытындағы жұмыстарды күшейтті. Жыл басынан бері елордада сталкинг, ұрып-соғу және денсаулыққа қасақана жеңіл зиян келтіру секілді 100-ден астам құқық бұзушылық тіркелді. Профилактикалық шаралар аясында 8 мыңнан астам адам әкімшілік жауапкершілікке тартылып, 1 800-ге жуық құқық бұзушы әкімшілік қамауға алынды. Сонымен қатар мемлекеттік органдармен бірлесе отырып, зорлық-зомбылықтан зардап шеккен 150-ден астам азаматқа қажетті қолдау көрсетілді.