Шекарада қосымша жанармай бактарын заңсыз орнатудың 537 фактісі анықталды

Қазақстан Ішкі істер министрлігі жанар-жағармай материалдарының елден заңсыз шығарылуын тоқтату мақсатында 48 автокөлік өткізу пунктында тәулік бойы кезекшілік ұйымдастырды. Жыл басынан бері жалпы сыйымдылығы 150 тоннадан асатын заңсыз бак орнатудың 537 дерегі анықталды. Соңғы жағдайлардың бірінде Жамбыл облысында жүк көлігіне 500 литрлік қосымша бак орнатқан көршілес мемлекеттің азаматы ұсталып, оған қатысты тиісті әкімшілік шара қолданылды.