Түркістан облысында бір аптада 4 мыңнан астам құқық бұзушылықтың жолы кесілді

Түркістан облысында "нөлдік төзімділік" қағидатын іске асыру және жол қауіпсіздігін қамтамасыз ету мақсатында жүргізілген рейдтер барысында бір апта ішінде 4 мыңнан астам заң бұзушылық анықталды. Тәртіп сақшылары бағдаршамның тыйым салынған сигналына өткен 282, қарсы бағытқа шыққан 25 және көлікті мас күйінде басқарған 31 жүргізушіні жауапкершілікке тартты. Сонымен қатар жаяу жүргіншілерге жол бермеудің 172 дерегі тіркеліп, абаттандыру мен қоғамдық тәртіпті сақтау, вандализмнің және түнгі заңсыз автожарыстардың алдын алу бағытында да тиісті шаралар қабылданды.