Алматыда жол қауіпсіздігін арттыру үшін цифрлық бақылау жүйелері енгізілуде

Алматы қаласында жол қозғалысы қауіпсіздігін арттыру және жол-көлік оқиғаларының алдын алу мақсатында заманауи интеллектуалды бақылау жүйелері белсенді қолданылуда. Қалалық ПД Әкімшілік полиция басқармасының мәліметінше, бұл кешендер жылдамдықты асыру, бағдаршамның тыйым салынған сигналына өту, жол таңбаларын бұзу және жаяу жүргіншілерге жол бермеу сияқты заң бұзушылықтарды нақты уақыт режимінде тіркеп, Әкімшілік іс жүргізулердің бірыңғай тізіліміне жібереді. Цифрлық технологиялар адами факторды жойып, жүргізушілер арасында жол ережесін тұрақты сақтау дағдысын қалыптастыруға бағытталған.