🔷“O‘zkimyosanoat” AJ tizimida faoliyat yuritayotgan xotin-qizlarning ixtirochilik va innovatsion salohiyatini qo‘llab-quvvatlashga qaratilgan “Ixtirochi ayol” ko‘rik-tanlovining ikki kunlik taqdimot jarayonlari yakunlandi.
🔷Ikki kun davomida tanlov ishtirokchilari o‘zlarining innovatsion loyiha va ishlanmalarini taqdim etib, ularning mazmun-mohiyati, yangiligi, dolzarbligi hamda amaliy ahamiyati haqida ma’lumot berdilar.
Tanlovda “O‘zkimyosanoat” AJ tizimidagi tarmoq korxonalarida mehnat qilayotgan xotin-qizlar, shuningdek, Toshkent kimyo-texnologiya instituti, Rossiya kimyo-texnologiya universitetining Toshkent shahridagi filiali hamda “Yangi O‘zbekiston” universitetida tahsil olayotgan talaba qizlar ishtirok etdi.
🔷Taqdimotlar davomida energiya tejamkorligi, ekologik muammolarni hal etish, ishlab chiqarish jarayonlarini takomillashtirish, import o‘rnini bosish, korxona xarajatlarini kamaytirish va qo‘shimcha daromad olishga qaratilgan innovatsion loyihalar namoyish etildi.
🔷Ishtirokchilarning loyihalari muammoni hal etish darajasi, taqdimot sifati, taklif etilayotgan yechimning afzalliklari, shuningdek, iqtisodiy va ekologik samaradorligi kabi mezonlar asosida baholanadi.
————————————————————————
Veb-sayt | Telegram | Facebook | Instagram|Youtube