Фонд «Краіна для Жыцця»

⚖️ У нашых юрыстаў ёсць свабодны час для кансультацый.

Калі вы маеце прававое пытанне, якое вы адкладалі, — зараз добры момант звярнуцца па дапамогу.

У межах праекта «Юрыст на сувязі» нашы дасведчаныя спецыялісты дапамогуць разабрацца ў складанай сітуацыі, абараніць свае правы і падрыхтаваць неабходныя дакументы.

Да нас можна звярнуцца па пытаннях:
▪️ маёмасці;
▪️ абскарджвання прысуду;
▪️ даверанасцяў і іншых дакументаў;
▪️ абароны правоў.

Хто можа звярнуцца?
▫️ сваякі палітычных зняволеных;
▫️ рэпрэсаваныя беларусы;
▫️ былыя палітзняволеныя;
▫️ удзельнікі грамадскіх ініцыятыў.

❗️Важна: краіна пражывання не мае значэння.

👉 Пішыце: www.stranafund.org/proekty-pomoshchi/legalhelp

Звяртайцеся — нашы юрысты на сувязі.

У нас тут такая эмацыйная гісторыя здарылася 🥹
Расказваем.

Вы ведаеце, што ў фонда «Краіна для Жыцця» ёсць праект «Псіхолаг побач». Адзін са спецыялістаў працаваў з мамай палітвязня і гаварыў пра яе так: «Для мяне яна — сімвал Беларусі-Маці. Нягледзячы на цяжкую дэпрэсію, яна працавала, клапацілася пра сям’ю, адпраўляла перадачы сыну».

І вось здарылася тое, чаго чакалі больш за ўсё: яе сын нарэшце выйшаў на волю! Плакалі мы ўсе 🤍

Папрасілі расказаць, як прайшлі гэтыя гады і чаму пасля вызвалення важна не спяшацца, а паступова вяртацца да жыцця. Гартайце карусель.

📢 Праект «Псіхолаг побач»

Атрымаць дапамогу:
www.stranafund.org/proekty-pomoshchi/psyxhology
Падтрымаць праект: www.stranafund.org/kampanii/psychologycampaign

‼️ Стала вядома аб памілаванні 15 чалавек.

Сярод іх — 13 асуджаных па палітычных справах. Большасць вызваленых сёння — жанчыны (10 чалавек).

Імёны памілаваных пакуль не называюцца. Таксама невядома, ці гэта людзі, якія адбывалі пакаранне ў калоніях, ці былі на «дамашняй хіміі».

👉 Калі вам вядома пра людзей, якія выйшлі на волю, калі ласка, паведамляйце праваабаронцам:

@Dahary_nahami — ініцыятыва DissidentBy;
@Viasnainfo — праваабарончы цэнтр «Вясна».

☀️ Спрычыняцца да файных праектаў — заўсёды вялікая радасць для нас.

Сем'і палітзняволеных і беларускіх добраахвотнікаў наведалі Італію. Праект скончыўся, але ў людзей засталіся уражанні. Няхай яны найлепшым чынам адыграюць сваю ролю ў жыцці пацярпелых беларусаў.

Дзякуй асацыяцыі "Talaka" за арганізацыю праекта і ўсім, хто далучыўся да ягонай рэалізацыі:

🔻 Regione Toscana, Consiglio Regionale della Toscana, Tenuta di Alberese, Parco Regionale della Maremma, Misericordia Toscana, Misericordia di Pisa;
🔻тэрытарыяльным структурам CISL у розных правінцыях Тасканы і ISCOS Toscana;
🔸Цэнтру беларускай салідарнасці і Міжнароднаму гуманітарнаму фонду;
🔸усім неабыякавым хлопцам і дзяўчатам за дапамогу.

І няхай у наступным сезоне гэты праект будзе магчымы!.. ❤️

Трошкі пра жыццё ў шэлтары 🏠

Мы заўсёды гаворым нашым жыхарам: калі рукі штосьці робяць — думкі ідуць у патрэбны бок. Ведаем па сабе.

Так і атрымліваецца: хтосьці прыбірае лісце на тэрыторыі, хтосьці рамантуе канапу, хтосьці аформіў каржы з калоніі ў смачны торт. А ўвечары — барбекю!

Мы поруч з нашымі новымі жыхарамі.
Прапануем быць поруч і вам.
Падтрымайце дзейнасць нашага шэлтара 👇 www.stranafund.org/kampanii/shelter-campaign

Дзякуй ❤️

Дыялог між нашым дырэктарам і адміністратаркай шэлтара:
— Што б прыгатаваць людзям, толькі прыехаўшым?
— Боршч!

Ну а што яшчэ? 😂

А на дапамогу ў прыгатаваньні ежы прыйшла мама адной з каляжанак. Прыехала, як кажуць, гасцяваць, ды не засталася ўбаку. Беларуская талака!

Далучайцеся і вы да падтрымкі. Простыя рэчы часам становяцца вялікай каштоўнасцю.

👉 Падтрымаць шэлтары

Дзякуй ❤️

‼️ ТЭРМІНОВЫ ЗБОР НА ШЭЛТАРЫ Ў ВІЛЬНІ

У Літву прымусова вывезлі новую групу беларускіх палітвязняў. Для часткі вызваленых шэлтар фонду «Краіна для Жыцця» ў Вільні стане першым домам на волі.

Дапамажыце нам сустрэць іх годна!

Кожнае такое вызваленне — гэта шэраг дадатковых выдаткаў. Таму мы просім падтрымаць наш збор у памеры 10 000 €.

Нагадаем, што ў шэлтарах мы забяспечваем:
▪️ бяспечнае месца для жыцця і аднаўлення;
▪️ ежу, неабходныя лекі, вопратку і сродкі гігіены;
▪️ юрыдычную і псіхалагічную падтрымку.

Гэтыя людзі прайшлі праз найцяжэйшыя выпрабаванні карнай сістэмы Беларусі. Давайце зробім так, каб яны адразу адчулі нашу падтрымку і клопат.

👉 Падтрымаць шэлтары

Дзякуй, што поруч ❤️

❗️Вызваленне 25 чалавек, зняцце санкцый і дамоўленасць аб працягу перамоваў.

Такія вынікі візіту спецыяльнага пасланніка прэзідэнта ЗША па Беларусі Джона Коўла ў Мінск.

На волі — Павал Белавус, Ірына Злобіна, Павал Петручэня, Андрэй Аляксандраў, Людміла Чэкіна, Таццяна Кузіна, Дзмітрый Наважылаў, Яна Пінчук, Кірыл Пазняк, Алена Лазарчык, Зміцер Галавач, Святлана Якубовіч, Яўген Бурло, Яўген Юшкевіч, Андрэй Цалюк, Анастасія Лазарэнка і іншыя.

У адказ ЗША здымуць санкцыі з ААТ «Лакафарба» і канцэрна «Беллесбумпром».

Коўл заявіў, што бакі дасягнулі «вялікага прагрэсу» ў перамовах і працягнуць сумесную працу. Калі бакі ўзгодняць астатнія пытанні, адбудуцца новыя вызваленні і далейшае зняцце санкцый.

Пры гэтым больш за 900 палітвязняў па-ранейшаму застаюцца за кратамі. Чакаем вызвалення ўсіх палітвязняў 🕊

Такія паведамленні — адна з самых важных частак жыцця нашага фонду.

Бо за кожным чалавекам, які пакідае шэлтар, стаіць маленькая перамога: знойдзена жыллё, з’яўляецца адчуванне стабільнасці і магчымасць пачаць самастойны шлях.

Сёння мы вельмі чакаем новых вызваленняў. На наступным тыдні ў Мінск можа зноў прыехаць Джон Коул, спецыяльны пасланнік прэзідэнта ЗША. Паводле інфармацыі СМІ, ён плануе дамагчыся вызвалення яшчэ адной групы зняволеных.

Мы рыхтуемся сустрэць людзей і дапамагчы ім зрабіць першыя крокі на волі. Для гэтага нам патрэбна ваша дапамога.

🤍 Падтрымайце працу нашых шэлтараў — імаверна, хтосьці з вызваленых людзей знойдзе прытулак у адным з іх. Магчыма, гэта будзе не адзін чалавек.

🔗 www.stranafund.org/ru/kampanii/shelter-campaign

Разам мы здольныя дапамагчы беларусам пачаць новае жыццё!

Як дапамагаць палітвязням і іх блізкім больш эфектыўна? Дзе сёння асабліва патрэбныя рэсурсы і валанцёрская падтрымка? Якія інструменты ўжо працуюць?

Пра гэта 8 і 9 верасня гавораць удзельнікі анлайн-канферэнцыі «Усе за ўсіх». Яе праводзіць праект «Цяпліца».

Прадстаўнікі нашага фонду таксама далучыліся да сустрэчы. Разам з калегамі з Volnyja і Dissidentby мы расказалі пра «Беларусь: тэхналогіі супраціву» — рашэнні беларускіх ініцыятыў у сферах бяспекі, каардынацыі, краўдфандынгу і падтрымкі палітвязняў пасля вызвалення.

Такія сустрэчы — гэта магчымасць расказаць пра сваю дзейнасць і пачуць іншых, абмяняцца досведам і знайсці новыя спосабы дапамагаць тым, хто мае ў гэтым патрэбу.

Дзякуем арганізатарам і ўсім калегам за гэтую важную магчымасць для размовы і супрацы 🤝

8 верасня — Міжнародны дзень салідарнасці журналістаў. У Беларусі ў зняволенні цяпер знаходзяцца не менш за 20 супрацоўнікаў медыя.

Сярод іх — журналіст і палітвязень Андрэй Аляксандраў. Днямі ён стаў лаўрэатам Free Media Awards 2026.

Андрэй ужо пяты год знаходзіцца за кратамі. У 2022 годзе яго асудзілі на 14 гадоў турмы. Ягоную журналісцкую працу адзначае міжнародная прэмія. За яе ж... беларускі рэжым пазбавіў яго волі.

Свабоду журналістам і ўсім палітычным зняволеным! 🕊

ПРАЙМ-ЭРА? 🤔

Пакуль у сацсетках хтосьці спрабуе стварыць вобраз «паспяховай і стабільнай Беларусі», рэальнасць выглядае зусім інакш.

Рэпрэсіі працягваюцца, тысячы людзей прайшлі праз пераслед, сотні тысяч беларусаў былі вымушаныя пакінуць краіну, а незалежная грамадзянская супольнасць паслядоўна вынішчаецца.

За прыгожай карцінкай — разбураныя лёсы і сем'і. Гады, якія ўжо не вярнуць.

Мы не згодныя з падменай рэальнасці прапагандай.

Свабоду ўсім палітвязням! 🕊

📞 Пост-напамін: нашы юрысты заўсёды на сувязі

І не мае значэння, дзе вы знаходзіцеся — у Беларусі ці за мяжой. Вы можаце звярнуцца да нас па кансультацыю па пытаннях беларускага заканадаўства.

Маёмасць, даверанасці, дакументы, абскарджванне прысуду ці іншыя юрыдычныя пытанні — дапаможам разабрацца ў сітуацыі і падкажам, як дзейнічаць далей.

👉 Пішыце нам пры патрэбе: www.stranafund.org/proekty-pomoshchi/legalhelp

«Юрыст на сувязі» працуе для вас незалежна ад краіны знаходжання.

Стартавалі вакацыі ў Італіі для сем’яў палітвязняў і добраахвотнікаў з дзеткамі! 🇮🇹

26 чалавек будуць адпачываць цягам амаль двух тыдняў. Няхай гэтыя дні будуць пра маленькія радасці: ранішняе мора, марозіва падчас шпацыру, цёплыя вечары, новыя сяброўствы і шмат сонца 💛

Гэтыя вакацыі сталі магчымымі праз супрацу многіх людзей і арганізацый.

▫️Праект рэалізуе асацыяцыя «Талака»
▫️Партнёры — фонд «Краіна для Жыцця», Народная амбасада Беларусі ў Італіі, Цэнтр беларускай дэмакратычнай супольнасьці ў Фларэнцыі
▫️Падтрымка — Regione Toscana і Misericordia Toscana

Зычым сем’ям цудоўнага адпачынку! Будзем чакаць водгукаў, фотаздымкаў і натхняльных гісторый 🤍