Аԥсны агәабзиарахьчара аминистрра пермтәи аклиника "Лингва Бона" аус ацуразы амеморандум рнапы аҵарҩит.

Уи ахәыҷқәа ирзыҟарҵо иҷыдоу амедицинатә цхыраара ахаҭабзиара аизырҳара иазырхоуп.

Аусшәҟәы рнапы аҵарҩит агәабзиарахьчара аминистр Асҭамыр Гәниеи ахәыҷтәы неврологиа аклиника "Лингва Бона" анапхгаҩы Григори Анисимови ҳәа аанацҳауеит Аԥсны агәабзиарахьчара аминистрра.

Аусеицура иазԥхьагәанаҭоит ахәыҷтәы неврологиеи аепилептологиеи рганахьала аԥышәа аимдара, ацәа аилагарақәа рдиагностика, иара убас ажәаҳәатәи акоммуникативтәи еилагарақәа заанаҵы раарԥшра.

Амеморандум аҳәаақәа ирҭагӡаны иазыԥхьагәаҭоуп еицырзеиԥшу аконференциақәа, асеминарқәа, амастер-классқәа рымҩаԥгара, амедицинатә усзуҩцәа рзы аԥышәахысрақәа реиҿкаара, анаука-практикатә проектқәа аус рыдулара.

Иара убасгьы иазԥхьагәаҭоуп иҷыдоу аконсультациақәа реиҿкаареи амедицинатә рбагақәа рыла ахәышәтәразы ачымазцәа рынашьҭреи рҿы ацхыраара аҟаҵара.