Гәдоуҭа араион атуристтә ҭыԥқәа рыҿиареи атуристтә занааҭ азы алшарақәа ралкаареи ирылацәажәеит араион ахада Асҭамыр Аргәыни Аԥсны аҭыԥтә ҿиаразы Алабораториа урыстәылатәи аекспертцәеи.

Аргәын иазгәеиҭеит атәылаҿ иҟоу атуристтә обиектқәа рыҿиареи аҭыԥ ҿыцқәа раԥҵареи аҵак ду шамоу.

Аԥсны аҭыԥтә ҿиара алабораториа ареспублика атуристтә, акультуратә, акреативтә потенциал анализ азнауеит, иара убас аинфраструктура аҭагылазаашьеи атранспорттә знеиреи ахәшьара анаҭоит.

Аусура аихшьаалақәа рыла иазԥхьагәаҭоуп Аԥсны иазку атуристтә мастер-плани амҩақәҵагеи разырхиара.