Ҟабарда-Балкариатәи аделегациа аԥсуа-аурыс ҿартә форум аҩбатәи аетап алахәхаразы Аԥсныҟа иааит.
Хымш ирылагӡан алахәылацәа рзы имҩаԥгахоит атематикатә сессиақәа, астол гьежьқәа, амастер-классқәа, аӡыргарақәа, ааглыхратәи асоциалтәи наплакқәа рахь аекскурсиақәа.
Аԥсны имҩаԥысуа афорум аҩбатәи аетап — аусеицура ацҵара ауп ҳәа азгәеиҭеит аԥыза-министр ихаҭыԥуаҩ, Аҿари аспорти русқәа рзы аҳәынҭеилакы аиҳабы Ҭарашь Ҳагба.
"Иахьа аԥсуа дгьыл аҿы ҳашьцәа гәадурала ҳарԥылоит. Хымштәи апрограмма азҳархиеит, уи аамҭа лыҵшәа бзиала ахгара ҳҽазаҳшәоит. Аха ҳара ҳзы зегь реиҳа ихадоу, аҿар еибадырларц, еицәажәаларц, аиҩызаратә еимадарақәа дырӷәӷәаларц ауп", — иҳәеит Ҭарашь Ҳагба.
Post #21547
31