Амедиалига Ахраҿа аҳәаақәа ирҭагӡаны АК "Аԥсни" Lit Energy реицыхәмарра иалагеит Аҟәа астадион "Динамо" аҟны.

Ашьапылампыласыҩцәа Никита Симониан исахьа зну амаҭәа рышәҵаны адәы иқәлеит. Жьҭаарамза 12 рзы алегендартә шьапылампыласҩы диижьҭеи 100 шықәса ҵит.

Атурнир афиналбжахь ацәырҵразы, аԥсуа команда ахәмарра аамҭа хадазы ԥшь-мпылк ҭадыршәроуп.

"Аԥсны" 3:0 ҳәа иаиааир, аматч алахьынҵа абуллиталити асериаҿы иӡбахоит.

Ишәгәалаҳаршәоит, афинал аԥшьбарак актәи ахәмарраҿы Lit Energy еиҳа ишыӷәӷәаз, Аԥснытәи акоманда амба аҭакда х-мпылк шҭанаршәыз.