Анаплакыҩцәа альготатә кредит рыҭара апрограмма алахәхаразы абанкқәа рҟынтәи азыҳәақәа рыдкылара иалагеит.

Аетапцҵа мҩаԥыслоит жьҭаара 15-30 рзы ҳәа аанацҳауеит Аеканомика аминистрра.

Апрограмма алахәхаразы азин рымоуп Амилаҭтә Банк алицензиа змоу абанкқәа, зхатәы капитал 100 млн мааҭ иреиҵамкәа иҟоу, иара убас афинанстә ҭышәынтәалара аҭахрақәа ирықәшәо.

🖇️ Апрограмма аҳәаақәа ирҭагӡаны аԥснытәи абанкқәа анаплакыҩцәа ашықәстәи азыԥҵәа 10% иреиҳамкәа альготатә кредитқәа рыҭара рылшоит.

Акредит аицҵалыҵ — 500 нызқь инаркны 50 млн мааҭ рҟынӡа инаӡоит, аҿҳәара – хәышықәса, азыԥҵәа ԥсахрада иаанхоит. Арҭ феида злоу аҭагылазаашьақәа реиқәырхаразы апроценттә зыԥҵәа ахәҭак ареспубликатә биуџьет ахарџь ала ихарҭәаахоит.