2027 шықәсазы "Литфонд" аҵакыраҿы ицәырҵуеит 600 ҭыԥ змоу асқьалеи амфитеатри, иара убас иаԥҵахоит ҳаамҭазтәи аплиажтә зона.
Аплиажтә зона аиқәыршәареи асқьала аргылареи рзы анапынҵа ҟаҵан Урыстәыла ахада Иусбарҭа анапхгаҩы Актәи ихаҭыԥуаҩ Сергеи Кириенко 2025 шықәсазы Аԥсны иҟазаараан.
"Иахьазы ижәбо зегьы — еиҭашьақәыргылоу акорпус хада, акорпус маҷқәа ҩба, аобиект аглобалтә еиҭашьақәыргылара ауп. Абарҭқәа рыдагьы иргылоуп амедицинатә корпус ҿыц, аӡҭарчы ҿыц", — ҳәа азгәеиҭеит "Литфонд" анагӡаратә директор Мирон Малиа.
Амедицинатә центр аҿы иҟоуп МРТ, КТ, арентген, амаммографиа, аексперттә класс иатәу УЗИ, аҳақьымцәа рмаҵзурақәа.
Post #21528
16