Кавказҭааҩцәа рфорум анеиҿкааз инаркны иахьа уажәраанӡа аԥсуа ҭҵааҩцәа ҳаҭыр зқәу лахәылацәаны иалахуп ҳәа арадио Sputnik иазеиҭеиҳәеит Аԥсуаҭҵааратә институт анапхагаҩы Арда Ашәба.

Иара иазгәаиҭеиҭеит, афорум алахәылацәа русумҭақәа реизгақәа рҭыжьраҿгьы ҷыдала ишазнеиуа атәы.

Афорум иалахәын Аԥсны, Ермантәыла, Қырҭтәыла уҳәа атәылақәа рҵарауаа. Ашәба иажәақәа рыла, аимак-аиҿак цәырызгаз аҵаарақәагьы ҟалеит.

"Ақырҭуа ҵарауаа рықәыглара даара аҽынкылара аман. Аха аҭҵаарадырратә зҵаарақәа рҿы иҟоуп аимак-аиҽак ҟазшьа змоу ацәажәарақәа цәырызгоугьы. Аԥсуа ҵарауаҩ Сослан Салаҟаиа иқәгылара, иажәахә акыр азҿлымҳара цәырнагеит. Иазыӡырҩуаз игәаԥха-иргәамԥха ҳҵарауаҩ инапы злаку аус бзиаӡан идыруеит, ицәырҵуаз азҵара ҵарқәагьы ибзиаӡан рҭак ҟаиҵеит", —ҳәа азгәаиҭеит Ашәба.

Аԥсуаҭҵааратә институт адиректор Арда Ашәбеи Sputnik Аԥсны амҩаԥгаҩ Сусана Саӡԥҳаи инарҭбаау реицәажәара шәазыӡырҩыр ҟалоит абра.
#social