"Аԥсны амедиа ҿыцқәа" аҩбатәи асезон алагара аӡәырҩы азыԥшын ҳәа иҳәеит актәи асезон аҿы аиааира згаз Владимир Қәачахьиа.

"Аӡбахә раҳахьан, иахьа уи ишалаго азы алаҳәара ҟаҳҵеит. Иахьа инаркны азыҳәақәа рынашьҭреи ари апрограмма алахәхаразы аҽҭаҩреи алшоит", — иазгәеиҭеит иара.

Қәачахьиа иазгәеиҭеит "Аԥсны амедиа ҿыцқәа" рылахәразы ашәҟәҭагалара нагӡаны ахысра аҵак ду шамоу.

Актәи асезон аушьҭымҭа Есма Гәаланӡиаԥҳа иацылҵеит апроект аҟынтәи лцәаныррақәа даара иҵоураны ишаанхаз.

"Ари ԥышәа бзиоуп. Сааит зпроектқәа ртәы еиҭазҳәо сырзыӡырҩырц, аидеиақәа еимаадарц", — лҳәеит Голанӡиаԥҳа.

Иахьа ихацыркын апроект "Аԥсны амедиа ҿыцқәа" аҩбатәи асезон.

Хықәкыс иамоу — Аԥсны аӡбахә еиҭазҳәо амедиаҵакыра шьақәзыргыло, ареспубликеи уи амилаҭтә хаҿреи ирызку аинформациа уи анҭыҵ идзырбо амедиапроектқәа раԥҵара.
#social