Аҟәа афымцамчԥхьаӡагақәа рышьақәыргылараз 95% аусурақәа нагӡоуп.
Зынӡа ишьақәыргылоуп 13 595 ԥхьаӡага ҳәа адырра ҟанаҵеит Аԥсны аенергетика аминистрра.
Азеиԥш хыԥхьаӡара аҟынтәи 11 051 мыруга — аҩнеихагылақәа рҿы, даҽа 2 544 — ахатәы сектор аҿы.
Апроект аҳәаақәа ирҭагӡаны иара убасгьы ирыԥсахит 0,4 кВ иҟоу иажәхьоу афымцацәаҳәақәа.
Уи адагьы абонентцәа рзы иаларгалеит амобилтә цҵа, уи ахархәарала ареалтә аамҭа арежим ала афымцамч аныхреи аԥхьаӡара абаланси рышьклаԥшра алшоит.
Аҳасаббаратә мыругақәа рышьақәыргыларазы аусурақәа ирыцҵоуп Гагратәи, Гәдоуҭатәи, Гәылрыԥшьтәи, Очамчыратәи, Галтәи араионқәа рҿы.
Post #21447
37