Апартиа "Аԥсны акзаара" аусура ареспублика ауааԥсыра рҭахрақәа рыҿиареи рынагӡареи иазырхоуп ҳәа азгәеиҭеит апартиа ахантәаҩы Алхас Барзаниа Sputnik имҩаԥысуаз апресс-конференциаҟны.
"Ҳара Аԥсны аресурс хада ауаҩы иоуп ҳәа ҳаԥхьаӡоит, убри азы ҳхықәкқәа зегьы зызкхо ауаҩы иҿиара, "асоциалтә лифт" аиҿкаара ауп", — иҳәеит иара.
Барзаниа иазгәеиҭеит апартиа Аԥсны аспорт аҿиараҿы алагала шыҟанаҵо, акультуратә усхкқәа ишрымадоу, Аџьынџьтәылатә еибашьра аветеранцәа ишрыцхыраауа, агәыҳалалратә ацхыраарагьы шыҟанаҵо.
"Аԥсны акзаара" абыжьбатәи аизара ду аусуратә шықәс иалагӡаны ауаажәларреи ареспублика анапхгареи рыбжьара адиалог аԥҵара хықәкыс измоу 34 усмҩаԥгатә еиҿкаан.
Post #21383
31