Ростов — Батаиск ирыбжьаркуа аихамҩатә цҳа ааха аҭоуп адронқәа ржәылара иахҟьаны, абри атәы аанацҳауеит Нхыҵ-Кавказтәи аихамҩа.
Ааха зауз ҳәа аӡәгьы дыҟаӡам. Апассаџьыртә дәыӷбақәа 25 раамҭеихша иагханы иаауеит, урҭ рыбжьара иҟоуп ареис №303 Аҟәа — Москва.
Апассаџьырцәа иахәҭоу ацхыраара рырҭоит, урҭ фатәыла еиқәыршәоуп.
Аихамҩа аусзуҩцәа адәыӷбақәа раанкылара армаҷразы аусурақәа нарыгӡоит.
Post #21399
18