Владимир Занҭариеи Анатоли Лагәлааи ргәалашәара ахәылԥаз мҩаԥгахоит жьҭаара 13 рзы ҳәа аанацҳаит Акультура аминистрра.

Аиԥылара мҩаԥгахоит асааҭ 15: 00 рзы Аԥсуа драматә театр афоие аҿы аԥсуа-адыга литературатә фестиваль "Риҵаҿ арифмақәа" аҳәаақәа ирҭагӡаны.

Аиԥылара иалахәхоит Ҟабарда-Балкариа, Адыгеиа, Ҟарачы-Черқьесиа рҟынтәи аделегациақәа, иара убас Аԥсны апоетцәеи, алитераторцәеи, актиорцәеи.

🖇 Аусмҩаԥгатә Аԥсны акультура аминистрра ацхыраарала, Аԥсуа драмтеатр алархәны имҩаԥысуеит.

Раԥхьатәи афестиваль "Риҵаҿ арифмақәа" мҩаԥысит 2018 шықәса рзы. Апроект авторс дамоуп апоет, адраматург Зарина Ҟаныҟә, адиректор — Лиубов Сосналиева.