☑️ 🇷🇺 Бадра Гәынба Владимир Путин имшира идиныҳәалеит.

"Шәара шәнапхгарала Урыстәылатәи Афедерациа аҭакзыԥхықәу адәныҟатәи аполитика мҩаԥнагоит, инеиԥынкыланы ииашоу, зинла еиҟароу адунеиеиҿкаара адгылара анаҭоит", — аҳәоит атекст аҿы.

Гәынба иазгәеиҭеит Путин ироль ҩ-ганктәи аизыҟазаашьақәа рырҿиара, ареспублика ашәарҭадара арӷәӷәара, еиуеиԥшым аусхкқәа рҟны аусеицура арҭбаара рҿы Аԥсны азы аҵак ҷыда шамоу.

"Ҳтәылаҿы шәара ҳаҭыр ду шәықәуп. Аԥсныжәлар ибзианы иргәалашәоит, ахә ҳаракны иршьоит акыр шықәса инеиԥынкыланы ҳреспублика иашәҭо адгылара", —инаҵшьны иазгәеиҭеит Аԥсны ахада.

Бадра Гәынба Владимир Путин изеиӷьеишьеит агәабзиара, агәамч, алшара, аҳәынҭқарратә усураҿы ақәҿиара, урыстәылатәи ажәлар — аҭынчреи, аманшәалареи, аизҳазыӷьареи.