Аԥсни Урыстәылеи ромбудсменцәа Анас Кьышьмариеи Иана Лантратовеи Махачкала еиԥылеит, дара алахәуп "АОҶ алахәылацәа рзинқәа рыхьчаразы азҵаарақәа: ареабилитациеи усурҭала реиқәыршәареи" атемала имҩаԥысуа аизара.

Даӷьсҭантәи аомбудсмен Запир Алхазов иааԥхьарала, ареспубликахь инеит Урыстәылеи аҳәаанырцә ааигәеи рҟынтәи аҳәынҭқарратә зинхьчаҩцәа.

Кьышьмариеи Лантратовеи азинхьчаратә институтқәа рыбжьара аусеицура аҿиара ахырхарҭақәа ирылацәажәеит, урыстәылатәи аомбудсменцәа афедералтәи арегионалтәи ҩаӡарақәа рҿы имҩаԥырго аусмҩаԥгатәқәа аԥснытәи рколлегацәа ралахәхаразы иҟоу алшарақәа ирзааҭгылеит.