Апансионат "Ауадҳара" сынтәа иаднакылеит 2200-ҩык рҟынӡа ауааԥсыра. Абри атәы арадио Sputnik иазеиҭеиҳәеит Риҵатәи амилаҭтә ҳәырԥсарра атуризми аекскурсиақәеи рыҟәша аиҳабы Етлан Багаҭелиа.

"Аԥхын аамҭа, есышықәса еиԥш сынтәагьы ибзианы имҩасит. Ауаа рацәаны иаҭан апансионат. Еиҳарак зыԥсы зшьоз ҳауаажәлар роуп", — иҳәеит Багаҭелиа.

Есышықәса жьҭаара 15 рзы апансионат аусура аанкылахоит, аҭааҩцәа рыдкылара иаҟәыҵуеит аԥсабара иаԥнаҵо аҭагылазаашьа иахҟьаны ҳәа азгәеиҭеит иара.

Инарҭбааны аиҿцәажәара шәаҳар шәылшоит Sputnik Аԥсны асаит аҿы.
#social