Аԥсны иҟоу Урыстәыла ацҳаражәҳәаҩ Виачеслав Гладков Урыстәылатәи атәылауаҩра аиуразы адокументқәа разырхиараан ацхыраара ҟазҵоз ААУ астудентцәа аџьшьаратә шәҟәқәа ранеишьеит.
Аԥхын ацҳаражәҳәарҭа Урыстәылатәи Афедерациа атәылауаҩра аиуразы адокументқәа ранашьҭраан аконсултә ҟәшаҿы агәаран аиҵатәразы аусура хацнаркит. Ахархәара рыҭан "Росатоми" "Сенежи" рыспециалистцәа адыԥхьаланы аиҷаҳаратә технологиақәа иреиӷьу рыпрактикақәа.
Еиҳараӡак ауадаҩрақәа цәырҵуан арзаҳалқәа рхарҭәаара аан. ААУ аректор Алеко Гәарамиеи азиндырратә дакультет адекан Сергеи Смыри рыцхыраарала иаԥҵан 4-5 курс астудентцәа рыла ишьақәгылоу аволонтиортә маҵзура. Апроцесс аоптимизациа азура алыршахеит.
Уажәы мызкы ирыдыркылоит 400-ҩык рҟынӡа арзаҳал алазҵаз.
Post #21270
20