Аԥсны Аџьынџьтәылатә еибашьра ашьҭахьтәи ашықәсқәа раан, аҭынч ԥсҭазааара ашьақәыргылараҿы, жәларбжьаратәи аимадарақәа абжьаҵараҿы Владислав Арӡынба ихаҭара ахыԥша акырӡа анырра аман ҳәа арадио Sputnik аҟны иҳәеит ауаажәларратә усзуҩы Лев Шамба.

"Краснодартәи атәылаҿацә, Башкортосҭан, Ҭаҭарсҭан, уҳәа Владислав дандепутатыз аахыс дыззымдыруа ыҟамызт. Аибашьра ашьҭахь аимадарақәа рышьақәыргылараҿы, ацхыраара аҟаҵараҿы — аӡәымзар аӡәы мап ркуамызт. Зегьы иара иаҳаҭыр збоз ракәын, иҩызцәа ракәын", — игәалаиршәоит Шамба.

Ауаажәларратә усзуҩы иара убасгьы иазгәаиҭеит, аибашьра ашьҭахьтәи ашықәсқәа рзы ажәлари атәыла анапхгареи реилибакаара иабзоураны, иҟаз аҭагылазаашьа бааԥс алҵра шалыршахаз.

Инеиҵыху аиҿцәажәара шәахәаԥшыр ҟалоит абра.
#social