Очамчыра араион ақыҭақәа Џьгьардеи Ҭхьынеи рҟны ацҳақәа аӡы иагеит иҳәеит араион ахада ихаҭыԥуаҩ Артемон Габелаиа.

Цәыббра 30 рзы иҟаз амшцәгьа Очамчыра араион ақыҭақәа ааха рынаҭеит иҳәеит иара.

"Егьыс ацҳа ссақәа, Џьали Мықәи еимаздо ацҳақәа ҩба ааха роуит, урҭ ҳамчқәа рыла еиҭашьақәҳаргылоит. Иара убас Маркәыла ақыҭан адгьылқәа ҳәазеит, амҩақәа ҿабгеит", — ҳәа азгәеиҭеит араион ахада ихаҭыԥуаҩ.

Инеиҵыху аиҿцәажәара шәазыӡырҩыр ҟалоит арадио Sputnik аҟны.
#social