Очамчыра араион қыҭакгьы ыҟаӡам амшцәгьа иахҟьаны аԥхасҭа змауз, аиҳарак ааха роуит ашьхара иаԥну ақыҭақәа: Џьгьарда, Ӷәада, Ҷлоу, Маркәыла, абри атәы иҳәеит араион ахада ихаҭыԥуаҩ Артемон Габелаиа.

"Ақыҭа мҩақәа рҭагылазаашьа бааԥсуп, иҟоуп амҩақәа ахьыбгаз, ашколтә автобусқәеи инхо ауааԥсыреи зымцуа-изымаауа иахьыҟалаз", — иҳәеит иара.

Иара убас аҟәарахьчаразы иргылаз аӡкырақәа аԥхасҭа роуит ҳәа азгәеиҭеит иара.

Габелаиа иажәақәа рыла, амшцәгьа ирнаҭаз аԥхасҭа ахҟьаԥҟьақәа раԥыхразы аусурақәа цоит.
#social