Москва аиҳабыра 450 нызқь мааҭ инареиҳаны иаԥсо 130 медицинатә амаругақәеи аалыҵқәеи Гәдоуҭатәи ахәышәтәырҭа иарҭеит ҳәа аанацҳауеит Аҟәа иҟоу Москва Аҩны.

Амаругақәа амедусҳәарҭа алшарақәа рырҭбаара алнаршоит ҳәа азгәеиҭеит АХәХ аҳақьым хада Ҳаџьараҭ Шамба.

Аԥснытәи амедицинатә усҳәарҭақәа ацхыраара рырҭоит есышықәса. Ҵыԥх амаругақәа Гагра иҟоу ареспубликатә реабилитациатә центри Аҟәатәи ақалақьтә поликлиника №1 ирырҭеит.

Ацхыраара ҟарҵеит — Москва Аиҳабыреи Москва ақалақь адәныҟаекономикатәи жәларбжьаратәи аимадарақәа Рдепартаменти рыпрограмма "Урыстәыла атәылауаа Реидгыла" аҳәаақәа ирҭагӡаны, Аҟәа иҟоу Москва Аҩни алахәрала.