Аԥсны Асоциалтә еиқәыршәара аминистрра ацифраркра урыстәылатәии аԥсуа ганни рнапы зҵарыҩуа амҩатә хсаалахь еиқәыршәахоит ҳәа аанацҳауеит Урыстәыла ацҳаражәҳәарҭа апресс-маҵзура.
Ари аӡбамҭа рыдыркылеит Урыстәыла аџьеи асоциалтә хьчареи рминистрраҿы имҩаԥысыз аилацәажәараҿы, уи рхы алаирхәит ареспублика асоциалтә еиқәыршәареи адемографиатә политикеи рминистр Кама Аӡынбеи Урыстәыла ацҳаражәҳәаҩ Виачеслав Гладкови.
Апроект анагӡара иалнаршоит асоциалтә маҵзурақәа зауа иаку рдыррақәа рбаза аԥҵара, ашәарақәа рхыԥхьаӡалара аамҭа аркьаҿра, иара убас аелектронтә формат ала арзаҳалқәа рынашьҭра иабзоураны ауааԥсыра рзы амаҵзурақәа рнеира аизырҳара.
Аӡынбеи аусбарҭа аусзуҩцәа хадақәеи ааԥхьара рырҭеит ари аусхк аҟны урыстәылатәи аԥышәа аҭҵааразы регионқәак ирҭаарц.
Post #21119
31
