Владимир Путин Бадра Гәынбеи Аԥсны ауааԥсыреи Аиааира Амш рыдиныҳәалеит.

"Ари хьӡи-ԥшеи змоу аныҳәа зхы иақәиҭу, иҭынчу аԥсҭазааразы закәанла ззин зыхьчаз Аԥсны жәлар рхачҳареи, ргәымшәареи, реидгылареи ирсимволуп", — ҳәа аҳәоит атекст аҿы.

Путин иазгәеиҭоит аҩ-тәылак реизыҟазаашьақәа реиҩызаратәи реидгыларатәи ҟазшьа, иациҵеит Урыстәыла аринахысгьы Аԥсны ацхыраара шанаҭо аҳәынҭқарратә ргылареи асоциал-економикатә ҿиареи рхыдҵақәа рыӡбараҿы.