Башкортосҭан иазынархоу аҳаҭыртә ҭыӡҩылара аадыртит Аҟәа аԥшаҳәаҿы.
Урыстәылатәи арегион абзоурала еиҭашьақәыргылаз аԥшаҳәа анеиааирҭа ҭыԥ ахәҭа гәырӷьарала иаадыртит иахьа. Аатра иалахәын атәыла ахада Бадра Гәынба, Урыстәыла ахада Иусбарҭа анапхгаҩы актәи ихаҭыԥуаҩ Сергеи Кириенко, Ҭаҭарсҭани Башкортосҭани рхаҭарнакцәа.
Маи 9 рзы еиҭашьақәыргыланы иаадыртыз Идырым асолдаҭ ибаҟеи урыстәылатәи абжьаҟазаҩцәа рбаҟеи рымҵан ашәҭқәа шьҭарҵеит.
🖇 Апроект азеиԥш ахәԥса — 2,5 млдр мааҭ. Аиҭашьақәыргыларатә усурақәа мҩаԥган Ҭаҭарсҭан, Башкортосҭан, Нижни Новгород, Краснодартәи атәылаҿацә, аҟәатәи аҳаирбаӷәаза, аурыс-аԥсуа наплакыҩцәа рыцхыраара иабзоураны.
Аҳаш ацынхәрас аиҭашьақәыргылараан ахархәара рыҭан еиҳа анҵыра змоу агранити амармалташьи, иԥсахын анџьныртә цәаҳәақәа, ҳаамҭазтәи атехнологиақәа рыцхыраарала еиқәдырхеит архитектуратә елементқәа.
Post #18686
37
- 👍 1