Белгородтәи аобласт ԥыхьатәи агубернатор Виачеслав Гладков Аԥсны Урыстәыла ацҳаражәҳәаҩыс иҟаларазы ИАР аусқәа рзы Аҳәынҭқарратә Дума аилак абжьгара ҟанаҵеит.

Уи икандидатура Владимир Путин уаанӡагьы адепутатцәа ахәаԥшразы ирыдигалахьан.

Гладков ари амаҵураҭыԥаҿы Михаил Шургалин диԥсахуеит.

Абри атәы аилак ахантәаҩы актәи ихаҭыԥуаҩ Константин Затулин ихатәы канал МАКС аҟны икьыԥхьит.

📎 Виачеслав Гладков — аекономикатә ҭҵаарадыррақәа ркандидат, еиуеиԥшым ашықәсқәа рзы Севастополь агубернатор ихаҭыԥуаҩыс, Ставропольтәи атәылаҿацә аиҳабыра рхантәаҩы ихаҭыԥуаҩыс дыҟан.

Абҵарамза 18 2020 шықәсазы Урыстәыла ахада иусԥҟала Белгородтәи аобласт агубернатор аамҭала инапынҵақәа рынагӡаҩыс дҟаҵан. 2021 шықәса цәыббрамзазы алхрақәа реихшьаалақәа рыла Белгородтәи аобласт агубернаторс. Имоуп аҳамҭақәеи амедалқәеи жәпакы, "Урыстәыла АКН аҿиараҿы илшамҭақәа рзы" амедали Агәымшәара Аордени ианашьоуп.