💥💥💥 У Крэўскім замку выяўлены падмуркі замкавага маста!
Археалагічныя даследаванні ў Крэўскім замку пад кіраўніцтвам А. Дзярновіча прынеслі новыя вынікі. На тэрыторыі дзядзінца выяўлены падмуркі маста - дзве лініі каменнай муроўкі, на якія абапіраліся драўляныя канструкцыі маста ад так званай Малой брамы, праз замкавы стаў, да пагорку на дзядзінцы. Такім чынам забяспечваліся абарончыя задачы і, адначасова, функцыянаванне эфектыўнай сістэмы гідрарэгуляцыі.
Вядома, што пры будаўніцтве Крэўскага замку выкарыстоўвалася фартыфікацыйная канцэпцыя стварэння вакол замку затопленай прасторы. Але абаронцам замку трэба было ўмець жыць на вадзе. Замкавы мост на дзядзінцы быў часткаю такога фартыфікацыйнага мастацтва.

Паводле праекту рэстаўрацыі на тэрыторыі замка плануецца аднавіць два масты, у тым ліку і таго, падмуркі якога цяпер даследуюцца.
Археолагамі ў мураваных канструкцыях былі выяўлены нішы для паляў маста, а пад мастом і побач з ім - падмуркі малых пабудоваў.