Rustam MIRVOHID ijodi

РУСТАМ МИРВОҲИДГА

Бу бозор дунёда кезиб саросар,
Не бир савдоларга бўлдик биз шоҳид.
Эгни бут, юраги абгордан абгор
Кимсаларни кўрдик, Рустам Мирвоҳид!

Қашқирлар чиқдилар қайраб тишини,
Бу жанг одамзотга азалий удум:
Юзида яшириб бор қилмишини,
Тулкилар келдилар ликиллатиб дум.

Йўл юрдик, тошларга кўрсатдик иззат,
Мўл юрдик, чашмалар сув тутди тахир.
Баъзан ёв юбориб синади қисмат,
Баъзида дўст билан сийлади тақдир.

Тиконлар ботдилар, айладик сукут,
Юракда ғалаён кўтарди бир дард.
Қуролимиз бўлди кўксимизда ўт
Ва малҳам боғлади гўзал шеърият!

🖋Фахриддин Ҳайит

П/с: Фахриддин ака, ҳаётий ва ижодий дўстлигимиз абадий бўлсин, барчамизга Устозларнинг шонли йўлларини берсин! Миннатдорман 🙏!

@Rustam_MIRVOKHID

«Тўйтепа» шаҳри — «Нурафшон», «Бўз» тумани — «Бўстон» бўлди. Шундай тарихий жой номларини ўзгартириш мумкинми?» — деган саволга шарқшунос, Филология фанлари доктори, профессор Қосимжон Содиқов жавоби...

«Ўртада бегона йўқ» подкастининг навбатдаги сони «Туркий дунё: илдизлар ва истиқболлар» мавзусига бағишланди.

«Маданият ва маърифат» каналида — тез кунда!

@Rustam_MIRVOKHID

🗣 Рустам Мирвоҳид, истеъдодли шоир ва заҳматкаш олим, Ўзбекистон Ёзувчилар уюшмаси аъзоси, Тошкент давлат шарқшунослик университети бўлим бошлиғи:

- Мана менинг қўлимда ҳозир бир жуда бир муҳташам бир китоб турибди. Лазиз Раҳматовнинг саъй-ҳаракатлари билан яратилган мана шунақанги ажойиб энциклопедия. Ушбу муҳташам китоб ҳақидаги фикрларимни билдирмоқчиман.

Бу дунёдаги 200 дан ортиқ мамлакатларнинг тили, маданияти, санъати, урф-одати ва бошқа барча муҳим маълумотларини ўзида жамлаган ажойиб манбадир. Ирландия, Америка ёки Хитойга бормаган бўлсангиз ҳам, мана шу китоб орқали улар ҳақида тўлиқ тасаввурга эга бўласиз.

Глобаллашув даврида билим ва уфқини кенгайтирмоқчи бўлган инсон учун бу улкан океан кабидир. Тиллабалиқча каби ўз кўлмагини дунё деб билувчилар адашади. Шу боис мазкур китобни барчаю барчага, хусусан, талабалар, устозлар, география ва саёҳатга қизиқувчиларга тавсия қиламан.

✈️ Kitobning bosma nashrini sotib olish uchun @Lazizbek11111 telegram manziliga murojaat qiling

KITOBXONLIK MADANIYATI TELEGRAM KANALI!

Сарғариш...

Субҳидам оҳ урдим – гулим сарғайди,
Япроғин ушладим – қўлим сарғайди.
Қўлимдан зум ўтмай баданга ўтди,
Оёқ теккиздиму йўлим сарғайди.

У йўлда кетяпман... чор-атроф сўлиб,
Мен каби киряпти хазон тусига.
Бу не бало бўлди, мен сабаб бўлиб
Олам юзландими бевақт кузига?!

Қайданам оҳ урдим баҳор чоғида...

2010 йил

© Рустам Мирвоҳид

@Rustam_MIRVOKHID

Ўтган куни ўғлим Фотиҳ 6 ёшга тўлди. Ўша куни кутилмаганда савол берса денг:

- Ада, ким кучли: президентми, Худоми?

Баъзан болаларнинг саволи биз катталарнинг жавобидан ҳам каттароқ бўлар экан.

@Rustam_MIRVOKHID

ХУШ КЕЛИБСИЗ, ЎЗБЕКИСТОНГА 🇺🇿 🇮🇳!

Ҳинд диёри — муаззам диёр,
Дўстлик нури таралар жонга.
Кўнгилларда уйғонсин баҳор,
Хуш келибсиз, Ўзбекистонга!

Ганди ўтган шонли йўллардан,
Дўстлик келар узоқ йиллардан.
Тошкент, Деҳли номи — дилларда,
Хуш келибсиз, Ўзбекистонга!

Ҳинд-у ўзбек — эрксевар эл бу,
Ўз тилига жонкуяр эл бу,
Бир-бирига бахт тилар эл бу,
Хуш келибсиз, Ўзбекистонга!

Жаноб Моди, Сизга эҳтиром,
Ташрифингиз бизларга илҳом.
Биродарлик бўлсин бардавом,
Хуш келибсиз, Ўзбекистонга!


💡Ғоя муаллифи: Гулчеҳра Рихсиева

✍ Рустам Мирвоҳид

✍ Ҳинд тилига Нилуфар Ходжева таржимаси

🎤 Тошкент давлат шарқшунослик университети талабалари

@Rustam_MIRVOKHID

Абдуҳалил Маврулов, тарих фанлари доктори, профессор:

Совет даврида - 74 йил ичида ҳар йили 25 млрд. АҚШ доллари миқдорида моддий неъматлар ташиб кетилган бўлса, бор йўғи 2,5 млрд. АҚШ доллари миқдорида моддий неъматлар кириб келган.


Тўлиқ подкаст👇:

https://youtu.be/wT_d2PSF_wo?si=3_JZDlpdVs-I38Ad

#ortadabegonayoq #podkast #mustaqillikfenomeni

@Rustam_MIRVOKHID

Август хўрсиниғи

Юракда бир олов — атом бор эди,
Барчадек гоҳ ютуқ, хатом бор эди.
Нечоғ бахтлилигим билиб, билмабман —
Ўтган йил шу ойлар... отам бор эди...

24. 08. 26 й.

✍ Рустам Мирвоҳид

@Rustam_MIRVOKHID

#anons #podkast

3 500 йиллик давлатчилик тарихи. 120 та давлат. 860 йил қарамлик.

Бу рақамлар ортида қандай тарих бор?

Нега Усмонийлар империяси Темурийлар салтанатидан узоқроқ яшади?

Биринчи Ренессанс даврида ҳақиқатан ҳам 36 та фан ўқитилганми?

Совет даврида Ўзбекистондан ҳар йили 25 миллиард долларлик моддий бойлик олиб чиқиб кетилганми?

74 йил давомида ҳажга атиги 173 киши юборилганми?

Ва энг муҳими:

35 йиллик истиқлол бизни қанчалик ўзгартирди?
Нимани ўзгартирдиг-у, нимани ҳануз ўзгартира олмадик?

🎙 Тарих фанлари доктори, профессор Абдуҳалил Маврулов билан тарих, қарамлик, қатағон, тамаддун ва мустақиллик феномени ҳақида очиқ суҳбат.

«Ўртада бегона йўқ» подкастининг янги сони:
«Истиқлолимизнинг 35 йиллигида нимани ўзгартирдик, нима эса ўзгартира олмадик?»

📺 Бугун, соат 21:45
«Маданият ва маърифат» телеканалида.

#OrtadaBegonaYoq #Istiqlol35 #Tarix #Mustaqillik #MadaniyatVaMarifat

@Rustam_MIRVOKHID

Раҳбар ОАВда "қовун туширмаслиги" учун нима қилиши керак?

Бу саволга Филология фанлари бўйича фалсафа доктори, доцент Мансур Юнусов шундай жавоб берди...

Тўлиқ подкаст👇:

https://youtu.be/ZdlXMVQPTfY?si=kfgZdfMdgIulNkGe

@Rustam_MIRVOKHID

Нима учун айнан шер - ҳайвонлар шоҳи?

Шернинг қайси хислати бугунги айрим инсонларда, жумладан, баъзи раҳбарларда йўқ?

Бу саволларга донишманд шоир Абдулла Орипов шундай жавоб берган экан...

@Rustam_MIRVOKHID

#янгитаржима

@Rustam_MIRVOKHID

🇩🇪 Бу Германияни мақташ ҳақидаги подкаст эмас.

🇺🇿 Бу Ўзбекистонни танқид қилиш ҳақидаги подкаст ҳам эмас.

⚖️ Бу — икки жамиятнинг таълим, менталитет ва қадриятларини холис таққослашга уриниш.

🎙 Таниқли инстаблогер Беҳруз Бозоров билан суҳбат анонси эълон қилинмоқда.

📺 Тўлиқ сон — 7 август | 21:45
"Маданият ва маърифат" телеканали.

@Rustam_MIRVOKHID

Подкаст баҳона телеканал ҳаққи-ҳурмати 20 йиллик оғайним Беҳруз Бозоров билан биринчи марта "сизлашиш"га мажбур бўлдим. Очиғи, осон бўлмади 😉!

Кузатиб боринг! Тез кунда - "Маданият ва маърифат" каналида!

@Rustam_MIRVOKHID

Узоққа бормадик андиша билан...

✍ Эркин Воҳидов

🎤 Рустам Мирвоҳид

🎙 “Ўртада бегона йўқ” подкастидан лавҳа.

@Rustam_MIRVOKHID

Андиша қил!

Бу гапни ҳар биримиз болалигимиздан эшитиб катта бўлганмиз.

Лекин андиша ҳақиқатан ҳам миллатнинг фазилатими? Ёки айрим ҳолларда ҳақиқатни айтишга, адолатни талаб қилишга ва ўз фикримизни эркин билдиришга тўсқинлик қиладиган иллатга ҳам айланиши мумкинми?

Бу саволларга психология фанлари номзоди, доцент Лутфулла Турсунов билан жавоб изладик.

📺 Бугун, 31 июль, соат 16:00 "Маданият ва маърифат" телеканали "Ўртада бегона йўқ" подкастини томоша қилинг.

@Rustam_MIRVOKHID