pamilchoy

В тему продуктового дизайна 🥲

iMac, выпускавшийся 24 года назад 🔥

@head_of_brand

Возможно кому-то пригодится.
Для начинающих шрифтовиков и любителей.

Все абсолютно все ответы на все вопросы про шрифты.
https://typedesignresources.com/

Super Dispatch’ning dastlabki kunlarida AQShdan kelgan, avtomobil logistikasi sohasida tajribaga ega bo‘lgan PM bilan ishlagan edik. Bir kuni Skype orqali bo‘lgan uchrashuvda CEO unga shunday dedi:

Dizaynerlar ko‘pincha hamma narsani ideal holga keltirib keyin topshirishni xohlashadi. Aslida bizga ideal mahsulot emas, tez-tez sinab ko‘riladigan, iteratsiya qilinadigan yechimlar kerak.

Mahsulot menejeri sifatida sizning vazifangiz — ulardan foydalanuvchiga chiqishi mumkin bo‘lgan, xatolarsiz ishlaydigan, lekin ideal bo‘lmagan mahsulotni tezda olish va real muhitda sinab ko‘rish.

Bu gap o‘sha paytda menga yoqmagan. Ammo vaqt o‘tib angladim, tez ishga tushirish, bu tez o‘rganish, tez qoqilish, tez o‘zgarish.

Chaqaloq avval yurishni o‘rganib keyin yurmaydi. U “qanday yurishni bilmayman” demaydi. Shunchaki birinchi qadamni qo‘yadi va shundan keyingina yurishni o‘rganadi.

Boshlash uchun mukammal tayyorgarlik shart emas. Dastlabki qadamning o‘zi mukammallikka yo‘l ochadi. Beshta kursni tugatib, uchta kitob o‘qib, mashhur odam seminarida qatnashishni kutish, faqat vaqtni bekorga sarflashga sabab bo’ladi.

@nodizayn

Ha Social Proof (Ijtimoiy Isbot) dizaynda ham ishlaydi.

Odamlar odatda qaror qabul qilishda atrofdagilarni fikridan orientir oladi. Necha asrlardan beri ijtimoiylik qon qonimizga singib ketgan. Oddiy misol sizga dizayner kerak bo'lsa, notanish odamdan ko'ra tanishlar tavsiyasi bo'yicha yoki mashhurroq dizaynerni tanlaysiz. Chunki notanish/begona odam bilan ishlashni miya riskdek qabul qiladi.

Social Proofni dizaynda qanday ishlatamiz? Interfeysda mahsulot ishonchlilik darajasini ko'rsatish orqali, masalan reytinglar, mijozlar fikri, o'rtacha baho va qancha marta sotib/yuklab olinganini ko'rsatish mumkin. Agar foydalanuvchi sizning mahsulotdan boshqalar ham foydalanayotganini ko'rsa, sizni tanlashi psixologik jihatdan osonlashadi.

@pamilchoy

Bugun tasodifan bir saytga duch keldim: https://retrogames.onl/ , ikki soatcha kompyuter oldida mixlanib qoldim.

Mortal Kombat o'ynab ko'rib bolalikga qaytgandek bo'ldim - huddi o'sha zarbadagi tovush, menyulardagi musiqalar, animatsiyalar va o'sha mashxur "happy" ovozi... Qiziq, miya shunaqa xotiralarni tezda esga soladi: cho'milaverganingdan ustingdan kelib turgan daryo hidi, ko'rpacha, eski rangli televizor va qarindoshlaring bilan soatlab tortishib o'ynalgan o'yinlar.

Lekin qoyil, shuncha narsani bitta joyda yig'gan odamga sumalak berish kerak. Hamma qidirgan o'yinlarimni topa oldim Super Mariodan tortib GTA2 gacha. Ozroq nostalgiya qilib, o'sha beg'ubor va betashvish bolalik davriga ozroq bo'lsa ham qaytishni xohlaganlarga albatta yoqadi.

@pamilchoy

Young Lions Central Asia 2025 Design yo'nalishi bo'yicha longlistni e'lon qildi

Bu yilgi vazifa TAF! festivalining rebrendingi bo'ldi. Har gal yurtimiz juftliklar soni bo'yicha yetachilik qilib kelgan bo'lsa, bu yil sezilarli kamayish kuzatildi (O'zbekiston - 5, Qozog'iston - 9). Umumiy hisobda 21 dona ish jo'natilgan (ba'zi juftliklar 1 dan ortiq ish jo'natishgan).

Ishlarni ko'rib chiqib, o'zim uchun TOP-3 ishni tanladim. Ko'ramiz, ularning birortasi sovrindorlar qatorida bo'larmikan.

Sizga qaysi ishlar ma'qul bo'ldi? Izohda fikrlaringizni qoldiring.

P.S. Bu yil konkursda qatnashish nasib qilmadi. Chunki o'zimni Design emas, bizda ommalashmagan Print yo'nalishida sinab ko'rmoqchi edim, afsus sherik topilmadi.

@qurib_ketsin

Nimanidir o‘ylab topish jarayonimiz xuddi o‘rta asrlardagiga, masalan, fokuschining shlyapa bilan sahna chiqishiga o‘xshab tuyuladi. Men bu gapim bilan nima demoqchiman?

Kreativ direktor brifni shlyapaning ichiga tiqqandek, kreativchilarga yuboradi va har ikki kunning birida nima bo‘layotganini tekshirib ko‘radi. Qo‘lini tiqib ko‘radi — boshqa narsa chiqyapti, ikki kundan keyin takrorlaydi, yana shunday. O‘ziga yoqqan, ko‘ngli to‘lgan natija chiqmagunicha yoki "jin ursin, palakat, ertaga taqdimot-ku" darajasiga yetmaguncha bir necha hafta shu tarzda davom etadi.

Shuning uchun ham biz o‘ylab topa oladiganlar, kashf qila oladiganlarni, kimdadir bu o‘z-o‘zidan paydo bo‘lsa, ularni ayniqsa qadrlaymiz va junior'larga nimadir o‘rgatishni yoqtirmaymiz. Yoqtirmaymizmi yoki aslida buni uddalay olmaymizmi?

Tasavvur qiling, zavodga allaqachon detallarni o‘tkirlay oladiganlarni, shifoxonaga o‘zi mustaqil jarrohlik qila oladiganlarni ishga olishyapti. Lekin tizim bunday ishlamaydi-da, u sohalarda aniq, tushunarli algoritmlar bor va shu bo‘yicha o‘qitishadi, tarbiyalashadi.

Nega bizda haliyam kreativni ishlab chiqish uchun yozilgan algoritmlar yo‘q? Nega biz haliyam g‘oyalarni "vjuh, vualya" qilib shlyapaning ichidan shunchaki sug‘urib olyapmiz va u bizga yoqyaptimi, yo‘qmi, faqat shu bo‘yicha xulosa qilyapmiz.

Method — bu sizda g‘oya aniq paydo bo‘lishi uchun nimalar qilish kerakligi, harakatla ketma-ketligi tizimidir. Eng asosiysi, bu shunchaki takrorlab, har kun sayqallab, o‘tkirlab borish mumkin bo‘lgan, o‘rgansa, o‘rgatsa bo‘ladigan harakatlar ketma-ketligi.

@addtoyourhead

Tibbiyot olimlarining aniqlashisha miya tekstdan ko'ra rasmli ma'lumotni ko'proq xush ko'radi. Deylik sizga biror bir instruksiyani o'qib chiqish topshirilsa va agar u faqat tekstdan iborat bo'lsa, siz maksimal holatda 70% ma'lumotnigina o'zlashtira olasiz. Agar unga grafik elementlar yoki rasm qo'shilsa o'zlashtirish darajasi 95% gacha oshishi mumkin ekan.

Qayerdadir o'qigandim miya tekstlarni rasm holatida eslab qolar ekan. Deylik siz 2 yil oldin o'qigan kitobingizdagi tekstlarni emas, faqatgina o'qib miyangiz yaratgan syujetlarni eslab qolasiz. Kitobni o'qiganingizda uni miyangiz rasm holatiga keltirib eslab qoladi, bu miyaga anchagina qulay, aytganimizdek miyamiz rasmlarni ko'proq yoqtiradi. Shuning uchun ham yoqtirgan kitobingiz asosida uning kinosini ishlashganda sizga unchalik ham ma'qul kelmaydi, chunki miyangiz uni boshqacha tasavvur qilgan edi.

Dizaynerman buni qanaqadir chiroyli qilib bersam yetarli degan fikrdan voz kechish kerak. Chunki siz oddiygina prezentasiya qilganingizda uni shunchaki chiroyli ko'rinishi uchun qilmayabsiz, siz dizayn orqali odamlarga ma'lumotlarni to'g'ri yetkazishga ko'maklashmoqdasiz. Biznesning sizga talabi ham o'zidagi ma'lumotlarni mijozlariga tezroq va aniqroq yetkazib berish. Qiladigan ishimizning ma'nosi ham shu aslida.

@pamilchoy

Channel created