Natijada: vergul kerakmi yoki yoʻq?

Matnlarda tez-tez koʻzga tashlanadigan holatlardan biri – natijada soʻzidan soʻng vergul qoʻllash. Tarjimalar, ayniqsa, ingliz tilidan tarjimalarda bu hol koʻp uchraydi. Tarjimon asliyatdagi imloga ergashadi.

❗️ Natijada soʻzi vergul talab qilmaydi:

Natijada yaponlarning bir qismi nur kasaliga mubtalo boʻlib qolgan.
H. Hasanov, “Ekvatordan oʻtganda”.

Natijada shahar iqtisodiyoti oʻnglanib, sarmoya va valyuta tushumi muttasil ortmoqda.
Gazetadan.

Ushbu soʻzga maʼnodosh boʻlgan oxir-oqibatda, pirovardida soʻzlari ham vergulsiz ishlatiladi:

Oxir-oqibatda yaponlarning bir qismi nur kasaliga mubtalo boʻlib qolgan.

Pirovardida yaponlarning bir qismi nur kasaliga mubtalo boʻlib qolgan.

@oriftolib | Sahifalarimiz