Buhron

Buhron arabchadan olingan, asliyatda tanglik, ogʻir holat; alahlash maʼnolarini anglatadi. Oʻzbek tilida krizis, tanglik degan maʼnoga ega. Hozirgi oʻzbek tilida nisbatan kam ishlatiladi.

Bu soʻzni boʻhron shaklida ishlatish koʻp uchraydi. Lekin lugʻatlarga bu shakl variantdosh sifatida kirmagan. Menimcha, bu shaklni ham kiritsa boʻladi. Chunki u oʻzlashma soʻz va til uni oʻziga moslashtirishi tabiiy.

❗️ Lekin hozircha faqat buhron shaklini toʻgʻri deyishga majburmiz. Ommaviy axborot vositalarida yoki soʻzlashuv uslubida qoʻllanayotgani asos boʻla olmaydi.

Yo lugʻatni oʻzgartirvorish imkoniga ega boʻlish kerak, yo imlosini oʻrganib olish kerak. Dod-voy ortiqcha 🙃:

Shuʼba ✅
Shoʻba ❌

Tugʻuruqxona ✅
Tugʻruqxona ❌

Oʻgʻrilik ✅
Oʻgʻirlik ❌

Qoʻllanadi ✅
Qoʻllaniladi ❌

Kuvayt ✅
Quvayt ❌

Buhron ✅
Boʻhron ❌

@oriftolib | Sahifalarimiz