🌙 UCHINCHI RENESSANS GAVHARIGA MA’RIFIY TASHRIF
🔺Toshkent islom instituti Modul ta’lim tizimining 1-bosqich talabalari uchun O‘zbekistondagi Islom sivilizatsiyasi markaziga ma’rifiy tashrif tashkil etildi.
🟦Ma’rifiy tashrifga institut «Ijtimoiy fanlar va tillar» kafedrasi mudiri vazifasini vaqtincha bajaruvchi, dotsent A. Egamov hamda Yoshlar bilan ishlash, ma’naviyat va ma’rifat bo‘limi xodimi A. Allaberganov boshchilik qildilar.
🟦Tashrifdan ko‘zlangan maqsad talabalarni yurtimizning boy ilmiy-madaniy merosi, buyuk ajdodlarimiz qoldirgan bebaho ma’naviy xazina bilan yaqindan tanishtirish, ularning tarixiy xotirasi va milliy qadriyatlarga bo‘lgan hurmatini mustahkamlashdan iborat bo‘ldi.
🟦Institutda talabalarning darsdan tashqari vaqtlarini mazmunli tashkil etish, ma’naviy dunyoqarashini kengaytirish va kasbiy salohiyatini oshirishga qaratilgan ma’rifiy-madaniy tadbirlarga alohida e’tibor qaratilmoqda. Navbatdagi ana shunday tadbir doirasida Modul ta’lim tizimida tahsil olayotgan 1-bosqich talabalari Islom sivilizatsiyasi markaziga tashrif buyurdilar.
🟦Tashrifning o‘ziga xos jihati shundaki, unda ishtirok etgan talabalar yurtimizning turli hududlaridagi masjidlarda faoliyat yuritayotgan imom-xatiblar va imom noiblaridir. Shu bois mazkur tashrif ularning nafaqat tarixiy va madaniy bilimlarini boyitish, balki kasbiy mahoratini oshirish, diniy-ma’rifiy faoliyatini yanada takomillashtirish hamda xalqimiz orasida olib boriladigan ma’rifiy targ‘ibot mazmunini boyitishda ham muhim ahamiyat kasb etadi.
🔺 Tashrif davomida ishtirokchilar markaz muzeyidagi noyob qo‘lyozmalar, qadimiy va nodir asarlar, tarixiy eksponatlar, qo‘lyozmalarning faksimile va mulyaj nusxalari, shuningdek, xalqimizning boy milliy va diniy-ma’rifiy merosini aks ettiruvchi ekspozitsiyalar bilan yaqindan tanishdilar.
🔻 Batafsil....
📝 Ёшлар билан ишлаш, маънавият ва маърифат бўлими
📱 @oliymahad – диний-маърифий канал!
📱 Youtube 📱 Facebook 📱 Instagram