Олий Маъҳад | Расмий

#raddiya #dolzarb_savol_javob

🎞 HIJRATNI TANLAGANLAR HAQ YO'LDAMI?

🎙 Alisher domla Naimov
Farg'ona viloyati bosh imom-xatibi o‘rinbosari

“Botil da’volarga asosli raddiyalar” kitobi asosida tayyorlandi.

📝 Mazkur video Din ishlari boʻyicha qoʻmitaning 2026-yil 16-sentaybrdagi 03-07/7463-sonli xulosasi asosida tayyorlandi.

📱 @oliymahad – диний-маърифий канал!

📱Youtube📱Facebook📱Instagram

#Янгиликлар

🎓Дуал таълим: Назарий билим ва амалий кўникмалар уйғунлиги

🇺🇿 Мамлакатимизда таълим тизимини замонавий талаблар асосида такомиллаштириш, ёшларга сифатли таълим бериш ва уларни келгусидаги касбий фаолиятга пухта тайёрлаш борасида кенг кўламли ислоҳотлар амалга оширилмоқда.
🔺 Хусусан, назарий билимларни амалиёт билан уйғунлаштириш, талабаларда касбий компетенцияларни шакллантириш ва уларни меҳнат бозори талабларига мос мутахассислар этиб тайёрлашга алоҳида эътибор қаратилмоқда.

🔺Шу нуқтаи назардан, таълим жараёнига жорий этилаётган дуал таълим тизими талабаларнинг олган назарий билимларини амалиёт билан мустаҳкамлаш ҳамда касбий кўникма ва малакаларини бевосита иш жараёнида шакллантириш учун муҳим имконият яратади. Бунда талабалар ўқув дастурининг назарий қисмини олий таълим муассасасида ўзлаштириб, амалий машғулот ва кўникмаларни тегишли ташкилот ва муассасаларда амалда синаб борадилар.

🔺Ана шу вазифалардан келиб чиқиб, Имом Бухорий номидаги Тошкент ислом институтида дуал таълим доирасида амалиёт жараёнини самарали ташкил этиш, талабаларнинг амалиёт давомида белгиланган тартиб-интизом ва одоб-ахлоқ қоидаларига риоя қилишини таъминлаш мақсадида 4-курс талабалари билан давра суҳбати ташкил этилди.

🔺Унда институтнинг Ёшлар билан ишлаш, маънавият ва маърифат бўлими бошлиғи Ш.Бадиев, бўлим ходими Р.Олтинбоев ҳамда битирувчи курс талабалари иштирок этдилар.

🔺Давра суҳбати давомида талабаларга дуал таълим доирасидаги амалиётнинг мақсад ва вазифалари, уни самарали ташкил этиш тартиби ҳамда масъулият масалалари батафсил тушунтирилди. Хусусан, амалиёт ўташ учун масжидларга бириктирилган талабаларга имом-хатиб ва масъул ходимларнинг кўрсатмаларига қатъий риоя қилиш, белгиланган вазифаларни масъулият билан бажариш, жамоат тартиби ва ички интизомга амал қилиш зарурлиги таъкидланди.

🔺Шунингдек, амалиёт жараёнида талабалар ўзларининг касбий одоби, муомала ва кийиниш маданияти ҳамда жамоатчилик билан ишлаш кўникмаларига юксак эътибор қаратишлари лозимлиги қайд этилди. Бундан ташқари, амалиёт ҳисоботларини ўз вақтида тайёрлаш ва амалиёт кундалигини мунтазам юритиш тартиблари тушунтирилди.

🔺Тадбир якунида битирувчиларга амалиёт дафтарлари топширилиб, уларга масъулият ва интизом билан ишлаш юзасидан зарур тавсиялар берилди.
 
✍️ Ёшлар билан ишлаш, маънавият ва маърифат бўлими

📱 @oliymahad – диний-маърифий канал!

📱 Youtube 📱 Facebook 📱 Instagram

#Янгиликлар

🔺 Фахрий устоз билан учрашув: сийрат сабоқлари

🔺 Сентябр ойи – Ислом тарихи ва сийрат фани ойлиги доирасида Тошкент ислом институтида таҳсил олаётган талабаларнинг фахрий устозлар билан учрашувларини ташкил этиш, уларнинг бой илмий ва ҳаётий тажрибаларидан баҳраманд бўлишига алоҳида эътибор қаратилмоқда.

🔺 Шу муносабат билан институтнинг “Ҳадис ва ислом тарихи фанлари” кафедраси мудири Ю. Абдурахимов, кафедра катта ўқитувчилари О. Ҳошимов ва Р. Махсумхоновлар 2–4-босқич талабалари билан биргаликда Тошкент ислом институтида кўп йиллар давомида самарали меҳнат олиб борган фахрий устоз Салоҳиддин домла Шариповни зиёрат қилиш мақсадида “Ҳазрат Али” масжидига ташриф буюрдилар.

🔺Зиёрат давомида Салоҳиддин домла Шарипов устоз ва талабаларга “Расулуллоҳ соллаллоҳу алайҳи васалламда гўзал ўрнак бор” мавзусида илмий-маърифий суҳбат қилиб бердилар.
🔺Суҳбат давомида Расулуллоҳ соллаллоҳу алайҳи васалламнинг гўзал хулқлари, юксак инсоний фазилатлари, муомала ва муносабатлардаги ибратли жиҳатлари ҳамда у зотнинг бутун инсоният учун гўзал ўрнак экани ҳақида қимматли фикрлар билдирилди.
🔺Шунингдек, устоз томонидан сийрат илмини чуқур ўрганиш, Расулуллоҳ соллаллоҳу алайҳи васалламнинг ҳаёт ва фаолиятларини ёш авлодга тўғри ва мукаммал етказиш, ўрганилган илмни амалда намоён этишнинг аҳамияти алоҳида таъкидланди. Устоз талабаларга илм олишда собитқадам бўлиш, устозларни қадрлаш, олган билимларини ҳаётда қўллаш ҳамда келгусида жамиятга манфаатли инсон бўлиб етишишлари юзасидан самимий насиҳат ва тавсиялар бердилар.
🔺Учрашув давомида талабалар ўзларини қизиқтирган саволлар билан мурожаат қилиб, устознинг кўп йиллик илмий-педагогик фаолияти ва ҳаётий тажрибаларидан баҳраманд бўлдилар.

🟦Бундай зиёратлар ёш авлодни илмга, маърифатга ва устозларга ҳурмат руҳида тарбиялаш, шунингдек, устоз-шогирд анъаналарини давом эттиришда муҳим аҳамият касб этади.

✍️“Ҳадис ва ислом тарихи фанлари” кафедраси

📱 @oliymahad – диний-маърифий канал!

📱 Youtube 📱 Facebook 📱 Instagram

#xabar #muftiy
📚ВАҚТИНИ ИЛМ-МАЪРИФАТГА САРФЛАГАН КИШИ ЮКСАК ДАРАЖАЛАРГА ЭРИШАДИ
 
📍 Бугун, 25 сентябрь куни Ўзбекистон мусулмонлари идораси раиси, муфтий Шайх Нуриддин Холиқназар ҳазратлари Андижон вилоятига хизмат сафари давомида жума намозини Асака шаҳридаги “Аҳмадали Маҳдум” жоме масжидида адо этдилар.

🌙 Муфтий ҳазратлари намоздан олдин жамоатга илмнинг қадри, таълим-тарбия берувчи устозларнинг мақоми ҳамда вақтни ғанимат билиш ҳақида манфаатли маъруза қилиб бердилар.

✅Дарҳақиқат, бугун юртимизда барча имконият бор. Шундай экан, илм ўрганиб, устозларни, ота-онани, бу шарт-шароитларни қадрлаб, вақтдан унумли фойдаланиш лозим.

🤲 Маърузада айтилганидек, оқил инсон Аллоҳ таоло берган фурсатни тўғри тасарруф қилади. Ҳар кунини дунёси ва охирати учун фойдали бўлган ишларга сарфлайди. Зеро, вақт ортга қайтмайди, умр қайта берилмайди. Шундай экан, Аллоҳ берган бу қимматли вақтни илм-маърифат ўрганишга, уни бошқаларга ўргатишга сарфлаган киши юксак даражаларга эришади.

🇺🇿Шунингдек, Муфтий ҳазратлари Давлатимиз Раҳбарининг Андижон вилоятига сафари, халқ фаровонлиги йўлида амалга оширилаётган кенг кўламли ислоҳотлар, бунёдкорлик ишларига ҳам урғу қаратдилар. Бундай тарихий ютуқлар “Инсон қадри учун” тамойилининг амалдаги ифодаси экани, зеро динимиз ҳам инсон қадрини олий санашини таъкидладилар.

🤲 Якунда Аллоҳ таоло барча устоз ва мураббийлар меҳнатига улкан ажрлар беришини, уларнинг илмидан баҳраманд бўлаётганлар динимиз ва миллатимизга фойдали инсонлар бўлиб етишишини сўраб дуолар қилинди.
 
✅ Ўзбекистон мусулмонлари идораси Матбуот хизмати

📱 @oliymahad – диний-маърифий канал!

📱 Youtube 📱 Facebook 📱 Instagram