#Малака_ошириш #Отинойилар

🗣 Мутаассибликка қарши курашиш ва ахборотни таҳлил қилиш: отинойилар учун маъруза ўтказилди

▫️ Дин ишлари бўйича қўмита ҳузуридаги Диний-маърифий соҳада малака ошириш ва қайта тайёрлаш институти томонидан хотин-қизлар фаоллари, тарғибот гуруҳлари аъзолари ҳамда отинойилар учун Ўзбекистон халқаро исломшунослик академиясида малака ошириш ўқувлари ташкил этилмоқда.

▪️ Ўқувларнинг асосий мақсади диний-маърифий соҳада фаолият юритаётган хотин-қизларнинг билим ва кўникмаларини ошириш, уларни замонавий ахборот маконидаги турли таҳдид ва салбий таъсирлардан огоҳ этиш, шунингдек, аҳоли ўртасида маърифий тушунтириш ишларини самарали ташкил этишга кўмаклашишдан иборат.

▫️ Мазкур ўқувлар доирасида Имом Бухорий номидаги Тошкент ислом институти ректори Уйғун Ғафуров «Ижтимоий тармоқлардаги мутаассибликни тарғиб қилувчи сайтлар ва гуруҳлар мазмун-моҳияти» мавзусида маъруза қилди.

▪️ Маърузада ижтимоий тармоқларда тарқатилаётган диний мазмундаги ахборотларни танқидий ва таҳлилий баҳолаш, мутаассиблик ғояларини тарғиб қилувчи материалларнинг асл мақсадини англаш ҳамда уларнинг салбий таъсирларига қарши маърифий ёндашувларни шакллантириш масалаларига алоҳида эътибор қаратилди.

📌 Бундай ўқувлар отинойилар ва хотин-қизлар фаолларининг касбий салоҳиятини юксалтириш, ахборот билан ишлаш кўникмаларини мустаҳкамлаш ҳамда жамиятда соғлом маънавий-маърифий муҳитни қарор топтиришга хизмат қилади.

📝 Toshkent islom instituti Matbuot xizmati

📱 @oliymahad – диний-маърифий канал!

📱Youtube 📱 Facebook 📱 Instagram