14-уми октябри соли 2026, Душанбе. – Муовини вазири энергетика ва захираҳои оби Ҷумҳурии Тоҷикистон Шариф Маҳмадзода аз ширкати «ИМОД» боздид намуда, бо фаъолияти истеҳсолии он шинос шуд.

Ширкати «ИМОД» яке аз ширкатҳои пешсафи кишвар дар самти истеҳсоли таҷҳизоти барқӣ ба ҳисоб рафта, дар рушди истеҳсолоти ватанӣ ва таъмини бозори дохилӣ бо маҳсулоти соҳавӣ саҳм мегузорад.

Муовини вазир ҷиҳати риояи талаботи стандартҳои байналмилалӣ ҳангоми истеҳсоли таҷҳизоти барқӣ, таъмини сифат ва бехатарии маҳсулот, инчунин баланд бардоштани рақобатпазирии он тавсияҳо дод.

Таъкид шуд, ки рушди истеҳсоли таҷҳизоти барқӣ дар дохили кишвар барои қонеъ гардонидани талаботи соҳаи энергетика, коҳиш додани вобастагӣ аз воридот ва тақвияти иқтидори саноатии ҷумҳурӣ аҳамияти муҳим дорад.

Муфассал
Подробнее

✅@mewrtj