Вазорати энергетика ва захираҳои об🇹🇯

‎22-юми сентябри соли 2026, Душанбе. – Дар Вазорати энергетика ва захираҳои об ҷаласаи корӣ оид ба татбиқи Қонуни Ҷумҳурии Тоҷикистон «Дар бораи танзими ҷашну маросим дар Ҷумҳурии Тоҷикистон» бо иштироки намояндаи Кумитаи дин ва танзими ҷашну маросим баргузор гардид.
‎
‎Ҷаласаро Манучеҳр Сафарзода, муовини вазири энергетика ва захираҳои об, ифтитоҳ намуда, доир ба нақши Қонуни Ҷумҳурии Тоҷикистон «Дар бораи танзими ҷашну маросим дар Ҷумҳурии Тоҷикистон» ифтитоҳ намуда, оид ба аҳамияти қонун дар танзими ҷашну маросим ва нақши он дар ҳаёти иҷтимоии ҷомеа суханронӣ кард.
‎
‎Сипас, Бурҳониддин Абдулазиззода муҳтавои қонун ва талаботи асосии онро шарҳу тавзеҳ дода, ба тартиби баргузории ҷашну маросимҳо, риояи меъёрҳои муқарраргардида ва ҷавобгарӣ барои вайрон намудани талаботи қонунгузорӣ таваҷҷуҳи иштирокчиёнро ҷалб намуд.
‎
‎Зимни ҷаласа вобаста ба масъалаҳои мавриди таваҷҷуҳ миёни иштирокчиён мубодилаи афкор сурат гирифта, ба саволҳои пешниҳодшуда ҷавобҳои мушаххас дода шуд.
‎
✅@mewrtj

Гузориш аз маросими баистифодадиҳии неругоҳи барқи офтобии «Ашт»

21-уми сентябри соли 2026

✅@mewrtj

21 сентябр Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар шаҳраки Шайдон неругоҳи офтобиро бо иқтидори 250 мегаватт мавриди истифода қарор доданд.

Сохтмони неругоҳи фотоэлектрикии Ашт бо иқтидори 250 МВт моҳи ноябри соли 2025 аз ҷониби ҷамъияти дорои масъулияти маҳдуди Аён энерҷӣ оғоз гардида, дар муҳлати кӯтоҳ пурра сохта ба истифода дода шуд. Неругоҳи мазкур дар масоҳати 793 гектар бунёд гардида, иқтидори пурраи он 250 мегаваттро ташкил медиҳад.
Бунёди чунин иншооти бузурги энергетикӣ дар ноҳияи Ашт аз иқдомҳои муҳимми марбут ба рушди соҳаи энергетика ва истифодаи васеи манбаъҳои барқароршавандаи энергия ба ҳисоб меравад. Дар шароити муосир истифодаи имкониятҳои табиӣ, аз ҷумла неруи офтоб, яке аз самтҳои муҳими рушди энергетика ба шумор меравад. Тоҷикистон дорои имкониятҳои фаровони истифодаи энергияи офтобӣ буда, татбиқи лоиҳаҳои нави энергетикӣ барои афзоиши иқтидорҳои истеҳсолӣ ва таҳкими заминаи энергетикии кишвар мусоидат менамояд.

#ЭмомалӣРаҳмон #ЭмомалиРахмон #EmomaliRahmon #Тоҷикистон #Таджикистан #Tajikistan #Президент #President #Тоҷикон #Суғд #Согд #Sughd

President.tj | Facebook | Instagram | Telegram | X | Youtube

18-уми сентябри соли 2026, Душанбе. – Вазири энергетика ва захираҳои оби Ҷумҳурии Тоҷикистон Далер Ҷумъа бо роҳбарияти ширкати «TTGP» мулоқот анҷом дод.

Зимни вохӯрӣ масъалаҳои марбут ба раванди татбиқи лоиҳаи «Сохтмони лӯлаи газгузари Тоҷикистон – Хитой, қисмати Д»-ро баррасӣ намуданд.

Дар меҳвари суҳбат масъалаҳои ҷойдошта дар доираи лоиҳаи мазкур, раванди корҳои марбут ба татбиқи он, инчунин роҳҳои ҳалли масъалаҳои мавҷуда ва ҳамоҳангсозии минбаъдаи фаъолияти ҷонибҳо қарор гирифт.

✅@mewrtj