Аз 7-ум то 9-уми октябри соли 2026 дар шаҳри Бишкек ҷаласаи гурӯҳҳои кории муштараки Лоиҳаи минтақавии интиқоли неруи барқи «CASA-1000» бо иштироки намояндагони Қирғизистон, Тоҷикистон, Афғонистон ва Покистон, инчунин шарикони рушд баргузор гардид.

Дар ҷаласа ҳайати Ҷумҳурии Тоҷикистон таҳти роҳбарии муовини вазири энергетика ва захираҳои об Манучеҳр Сафарзода иштирок намуд.

Муовини вазир зимни суханронӣ мавқеи Тоҷикистонро оид ба ҳалли масъалаҳои боқимонда ва омодасозии лоиҳа ба истифодабарии тиҷоратӣ баён кард.

Зимни ҷаласа раванди татбиқи лоиҳа, масъалаҳои техникӣ, амалиётӣ, тиҷоратӣ ва молиявӣ, инчунин тадбирҳои зарурӣ барои гузариш ба марҳилаи истифодабарии тиҷоратӣ баррасӣ шуданд.

Инчунин, аҳамияти сари вақт анҷом додани корҳои боқимондаи сохтмонӣ, ҳалли масъалаҳои тиҷоратӣ ва ҷалби захираҳои зарурии молиявӣ таъкид гардид.

Манучеҳр Сафарзода иброз дошт, ки лоиҳаи «CASA-1000» барои Тоҷикистон лоиҳаи минтақавии дорои аҳамияти стратегӣ мебошад.

Муфассал
Подробнее

✅@mewrtj