‎5-уми октябри соли 2026, Кӯлоб. – Вазири энергетика ва захираҳои оби Ҷумҳурии Тоҷикистон Далер Ҷумъа дар доираи сафари корӣ ба шаҳри Кӯлоб бо кормандони филиалҳои ҶСК «Шабакаҳои тақсимоти барқ» дар шаҳри Кӯлоб ва ҶСК «Шабакаҳои интиқоли барқ» дар шаҳри Бохтар вохӯрии корӣ баргузор намуд.
‎
‎Зимни ҷаласа раванди татбиқи лоиҳаи «Кам намудани талаботи неру дар вилояти Хатлон» (шаҳрҳои Кӯлоб ва Бохтар) мавриди баррасӣ қарор дода шуд.
‎
‎Вазъи талафоти техникӣ ва тиҷоратии неруи барқ, ҳолати баҳисобгирии неруи барқ, фаъолияти низоми биллингӣ, ҷамъоварии маблағи неруи барқи истифодашуда ва тадбирҳои андешидашуда барои пешгирии истифодаи ғайриқонунии неруи барқ мавриди таҳлил қарор гирифтанд.
‎
‎Вазир ба масъулон ҷиҳати тақвияти корҳо дар самти коҳиши талафоти неруи барқ, беҳтар намудани баҳисобгирӣ ва ҷамъоварии маблағ, таъмини фаъолияти устувору боэътимоди шабакаҳои барқ дар давраи тирамоҳу зимистон ва бартараф намудани камбудиҳои мавҷуда дастуру супоришҳои мушаххас дод.
‎
‎✅@mewrtj