БОЗДИДИ ВАЗИР АЗ ЗЕРИСТГОҲҲОИ НАВБУНЁДУ НАВСОЗИШУДАИ ШАҲРИ КӮЛОБ
‎
‎5-уми октябри соли 2026, Кӯлоб. – Вазири энергетика ва захираҳои оби Ҷумҳурии Тоҷикистон Далер Ҷумъа дар доираи сафари корӣ ба шаҳри Кӯлоб аз зеристгоҳҳои барқии навбунёду навсозишудаи 110 кВ, ки имрӯз бо иштироки Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон мавриди баҳрабардорӣ қарор гирифтанд, дидан намуд.
‎
‎Зеристгоҳҳои нав дар ҳудуди Минтақаи озоди иқтисодии «Кӯлоб» ва маҳаллаи Қурбон Асадулло бунёд гардидаанд.
‎
‎Дар баробари бунёди иншооти нав, зеристгоҳи мавҷудаи барқии 110/35/6 кВ-и «Кӯлоб» низ мавриди навсозӣ қарор гирифта, таҷҳизоти он бо дастгоҳу технологияҳои муосир иваз карда шуданд.
‎
‎Зимни боздид вазир бо фаъолияти иншооти нав, таҷҳизоти насбгардида ва низоми идоракунии онҳо шинос шуда, ба масъулон ҷиҳати истифодаи самараноки иқтидорҳои нав, таъмини фаъолияти боэътимоди таҷҳизот ва хизматрасонии саривақтии техникии зеристгоҳҳо дастуру тавсияҳои мушаххас дод.
‎
‎✅@mewrtj